Cerpen Bahasa Bali

SELEG MALAJAH ULIAN ANAK LUH

Jam 2.00 siswa kelas SMK 1ne makasami sampun budal saking sekolah. Ring margi wenten I Wayan Weda lan I Gede Suparsa majalan lan makedekan. “Sup, sube  paek  jani UN sube ke ade peningkatan belajar?” raos I Wayan Weda. “Beh, ngewalek Weda ne, sube tawang tiang males buka kene dije taen nyemak buku di jumah” saut I Wayan Suparsa nguyonin I Wayan Weda. “Hahahaha, tiang metakon de kadene malajah Sup, tiang sube patuh sing taen melajah, nepukin dogen sane madan integral tiang sampun kebus dingin” raos Weda sambilanga kedek. “Beh, kaden tiang je Weda melajah manten jumahne, tiang masih patuh nepukin sane madan Grammar jek nagih pegat angkiane” raos Suparsa nguyonin I Weda. Kedek ngakak lantas ipun sareng dadua ring margi.
Ring atenge perjalanane Weda lan Suparsa nepukin anak bajang jegeg ring arep ipune, inggih punika Luh Ayu. Suparsa cengar-cengir nepukin paras Luh Ayu saking duri. “Aduuh…. Jaen gati bodine Iluh Ayu”. Kedek lantas I Weda “ Khakakakak, Apane jaen Sup? Sampunang je makeneh sane joh-joh mare nepukin bodi seksi”. Masaut lantas I Suparsa “Sing ade pelihne bercita-cita ngelah somah care Luh Ayu da”. Kedek ngakak lantas I Weda.
“Duarrrrrrrr” saget I Luh Dini ngesiabang Weda lan Suparsa saking duri ipune sareng dadua, makesiab lantas I Suparsa lan Weda. “Aits…… Luh Dini jek ngae atman tiange nagih makecos, kaden tiang men sire” raos Weda sambilanga makenyem. Kedek lantas Luh Dini “Hihihihi…… ampura da, boye je maksud tiang ngae atman Wedane makecos. Dados ngakak kedek sareng Suparsa da?”. “Ne, nak tuah maguyonan sareng Suparsa Luh” pisaut Weda bawak. “Beh, sube imang UN sampunang kedek-kedek manten Weda, punapi yening iraga ngae kelompok belajar sareng tiang, Weda, Suparsa, lan Luh Putu?” raos Luh Dini. “Tiang setuju manten Luh, ide becik sajan punika. Nanging timpal tiange Suparsa niki punapi ye?” pisaut Wedane. “Tiang setuju manten, nanging dije nike pacang kalaksanayang Luh ?” pitakon Wayan Suparsa. “Ring umah tiange punapi? Nanging sampunang kanti sandikala, iraga ngawitin saking jam 3-4 punapi?” raos Luh Dini. “Setuju…!!!” raos Weda lan Suparsa barengan.
Sesampune jam 2.55 Weda lan Suparsa majalan sinarengan jagi malajah bareng ring umahne Luh Dini. Sesampune neked irika sampun wenten Luh Putu sareng Luh Dini. “Sube makelo antos tiang, dados wawu teke Sup?” pitakon Luh Putu. “Nak tiang makelo ngantos Weda mapayas Luh” pisaut Suparsa sambilanga kedek. “De to gugune Luh, nak tunian wenten toris nakonang pertamina tiang ngatehin torise punika ke pertamina, niki tiang icene sepuluh ribuan” pisaut Weda sambilanga ngedengang pis ipune. “Dueg gati timpal tiange niki” raos Luh Dini. Makenyem lantas Wayan Weda polih pujian saking Luh Dini. “Ngiring jani kawitin malajahe, apang nenten makutang waktune” raos Luh Dini. “Inggih…!!!” pisaut Weda lan Suparsa.
Sesampune jam 4.00 Weda, Suparsa lan Luh Putu mapamit saking umahne Luh Dini. Sujatine I Wayan Weda demen sareng Luh Dini lan Wayan Suparsa demen sareng Luh Putu. Nike ngranayang Weda lan Suparsa dados semangat melajah bareng Luh Dini lan Luh Putu.
Telung minggu sampun majalan Weda lan Suparsa sampun dados siswa sane becik sane seleg malajah. Mangkin Weda, Suparsa, Luh Dini lan Luh Ayu sampun dados siswa sane nyalanang kewajiban ipune antuk malajah, mangkin ipun sampun siap ngadepin UN.